.

Итали улс. 1928 оноос Альпийн нуруудын уулын мод бэлтгэгч нарын гутлыг үйлдвэрлэж гараагаа тавьсан Итали улсын брэнд юм. Өдгөө 70 гаруй оронд салбартай, уулын гутал хувцасны чиглэлээр дэлхийд тэргүүлэгч брэндүүдийн нэг юм. Уулчдын дунд "уулын гутлын хаан" гэгддэг уг брэндийг бид Монголын хэрэглэгчдэд 2017 оноос албан ёсны эрхтэйгээр хүргэж байгаадаа баяртай байдаг. 

Тийм ээ, манай компани нь 2017 оноос хойш La Sportiva брэндийн албан ёсны гэрээт борлуулагчаар ажиллаж байгаа бөгөөд Монголын зах зээлд тус брэндийг төлөөлөх цорын ганц эрхийг эзэмшдэг болно.

Та Storepay application ашиглан La Sportiva брэндийн бүтээгдэхүүнийг 3 хувааж 30 хоногийн зайтайгаар, эсвэл 4 хувааж 15 хоногийн зайтайгаар төлөх нөхцөлөөр авч болно.Та ЭНД ДАРЖ дэлгэрэнгүй заавартай танилцаарай

Та Pocket Zero application ашиглан La Sportiva брэндийн бүтээгдэхүүнийг ямар ч урьдчилгаа төлөхгүйгээр 15 хоногийн давтамжтайгаар 2-6 хуваагаад 30-90 хоногийн хугацаанд төлөх нөхцөлөөр авах боломжтой.

Та ЭНД ДАРЖ дэлгэрэнгүй заавартай танилцаарай

Gore-Tex гэдэг нь гадна талаасаа ус, салхийг нэвтрүүлэхгүй хааж, дотор талаасаа хүний хөлсийг амьсгалах журмаар гадагшлуулах чадвартай өвөрмөц материалын брэндийн нэр юм. La Sportiva энэхүү материалыг ашиглаж ус цас салхинаас хамгаалах чадвартай хирнээ чийг татдаггүй гутал хувцас үйлдвэрлэдэг. Загварын нэрнийх нь араас GTX гэсэн товчлол орсон гутал хувцас бүр Gore-Tex хамгаалалттай гэсэн үг. Жишээ нь: Trango Trk Leather GTX, Stream GTX гэх мэт. Та энд дарж Gore-Tex-ийн талаар илүү дэлгэрэнгүй мэдэж аваарай  

Усны хамгаалалттай уулын гутал гэхээр усны гутал шиг битгий ойлгоорой. Олон цагаар удаан зогсвол нэвтрэх магадлалтай. Мэдээж хэрэг усны гуталны материал нь усанд хэдэн ч цаг зогссон нэвтрэхгүй, гэхдээ гаднаасаа огт нэвтрэхгүй байгаатай адилаар дотроосоо хөлс гадагшлах ямар ч боломжгүй байдаг. Ажил мэргэжлийн шалтгаанаар усанд удаан зогсдог, эсвэл нуурын загасчлал хийдэг бол та өөр зориулалтын гутлууд судлаарай

Харин уулын гутал өмсөж байгаа хүний хувьд ингэж олон цагаар усанд хөдөлгөөнгүй зогсох шаардлага бараг байхгүй л болов уу. Эсрэгээрээ усны хамгаалалттай уулын гутал гэдэг нь идэвхтэй хөдөлгөөн хийж ус цасан дундуур туучиж явахаар зориулан бүтээгдсэн байдаг. Хөдөлгөөнөөс үүдэлтэй ялгарч буй хөлсийг гадагшлуулах чадвартай хэрнээ алхалт авиралтын ямар ч нөхцөлд ус цас нэвтрэхгүй байх талаас нь гаргасан шийдэл бол уулын гутлын усны хамгаалалт буюу Gore-Tex юм. Та энд дарж Gore-Tex-ийн талаар илүү дэлгэрэнгүй мэдэж аваарай  

Брэндээс заасан зориулалтын дагуу өмсөж, зөв арчилбал La Sportiva брэндийн гутал чийг татахгүй.

Энгийн гуталны хэрэглээтэй харьцуулахад уулын гутал нь илүү хүнд бэрх, бартаатай, цаг агаарын эрс тэс нөхцөлд олон цаг өдрөөр тасралтгүй өмсөж хэрэглэхэд зориулагдсан байдаг. Тийм ч учраас La Sportiva-ийн гутлуудад ус чийг дотогш нь нэвтрүүлэхгүй хөлийг хуурай байлгаж, хөлөөс ялгарсан хөлсийг гадагшлуулах үүрэгтэй Gore-Tex хамгаалалт, Nano-Cell бичил сүвнүүд гэх мэт олон төрлийн технологийг суулгаж өгсөн байдаг.

Аль ч нэр хүндтэй брэндийн ямар ч сайн гутал байлаа гэсэн дараах хүчин зүйлүүд чийг татахад нөлөөлдөг гэдгийг анхаараарай

Зориулалтын бусаар өмсөх. Тухайлбал хавар/зун/намрын зориулалттай загварыг өвөл өмсөх, уулын 4 улирлын гутлыг дотор газар (оффис г.м) олон цагаар өмсөх

Орчин гэнэт сольж халуун хүйтэн харшуулах. Тухайлбал халуун агаар үлээлгэсэн машин дотор олон цагаар хөдөлгөөн багатай явж байгаад хүйтэн хээр байгальд машинаасаа буувал гутлан дотор бүрэлдсэн байсан халуун орчин нь гадны гэнэтийн хүйтэнтэй харших дотогшоо чийг цохих магадлалтай

Буруу оймс өмсөх.  Уулын гутлан дотор даавуун оймс өмсөхөөс аль болох татгалзаарай. Даавуу нь шингэнийг өөртөө сайн шингээдэг боловч гадагшлуулдаггүй. Ямар ч сайн амьсгалдаг, дулаан гутал байвч гутлан дотор хөлөрсөн хөлсийг оймс нь гадагшлуулахгүй тохиолдолд хөлсний уур нь аажимдаа шингэн хэлбэрт шилжиж чийг татах магадлалтай. Найрлагадаа хөлсийг гадагшлуулах онцгой чадамжтай Полиэфирийн мяндас (Polyester) болон бусад Poly-ийн төрлийн материал давамгайлсан оймс сонгоорой. Мөн өвлийн цагт дулаан хадгалах хонины ноос (wool)-ны найрлагатай оймс сонгоорой.

Ариун цэвэр. Бидний хөлд 250,000 гаруй хөлсний булчирхай байдаг гэнэ. Ийм олон хөлсний булчирхай өдөржин хөлс ялгаруулж, дулаан чийгтэй орчинд бактерийн үржлийн үндэс болдог юм байна. Эдгээр бактериуд нь хөл, оймс, дуртай гутлын чинь бүх хэсэгт амьдардаг ажээ. Тиймээс цэвэр оймс, цэвэр хөл нь чийг таталтаас сэргийлэх бас нэг энгийн арга юм

Гутлын зөв арчилгаа. Элдэв химийн найрлагатай бодис цэвэрлэгчээс аль болох татгалзах, хэрэглэсэн тохиолдолд гүйцэд арилгах. Гутлын гадаргуу болон дотор хананд бага ч болов тогтож үлдсэн бодис нь гутлын амьсгалах үүрэгтэй нүх сүвүүдийг бөглөх, хөлийн хөлстэй холилдож эвгүй үнэр гаргах, чийг татах зэрэг сөрөг нөлөөтэй.

Норсон гутлыг хүчээр хатаах. Ус цас шавар туулаад ирсэн гутлыг нойтон гутлыг гадны хүчтэй дулааны нөлөөгөөр богино хугацаанд хатаахаас татгалзах хэрэгтэй. Энэ гутлын бичил сүвүүдийг агшааж амьсгалах чадваргүй болгосноор чийг татдаг болох эрсдэлтэй. Гутлын зөв арчилгааны талаар энд дарж илүү ихийг мэдэж аваарай

Энэ асуултанд хариулахад өмсөх хүний хэрэглээ, бие махбодь, эрүүл ахуй болон насны онцлог гэх мэт олон зүйл нөлөөлнө.

Юун түрүүнд аливаа гутлын загварыг брэндээс нь зааж тодорхойлсон үндсэн зориулалтаар нь өмсөх нь чухал. Тухайлбал:

Уулын алхалтын 4 улирлын гутлыг ууланд болон үүргэвчтэй аялалд өмсөж байгаа хүн жирийн үеийнхээс илүү идэвхтэй хөдөлгөөнтэй, цусны эргэлт эрчимтэй байдаг тул дааруулах тохиолдол ховор. Мэдээж хэрэг Монгол орны минь өвөл илүү эрс тэс байдаг тул сонголт хийхдээ мэргэжлийн худалдааны зөвлөхүүд, ойр дотны туршлагатай хүмүүс, интернэт дэх блог, сэтгэгдлүүдийг судлах цаг зарцуулаарай.

Харин хотын хэрэгцээнд өдөр тутам өмсөх хүний хувьд яг ямар хэрэгцээнд түлхүү өмсөх вэ гэдгээ тооцоолох нь чухал. Хэрвээ та өвөл нийтийн тээвэр хүлээж удаан зогсдог бол, эсвэл гадаа олон цагаар хөдөлгөөн багатайгаар зогсох онцлогтой ажил хийдэг бол танд илүү тэсгэм хүйтэнд зориулсан загвар хэрэгтэй байж болно. Гэхдээ энэ та заавал уулын гутал авах ёстой гэсэн үг биш юм шүү. Бидний сүүлийн 5 жилийн ажиглалтаар La Sportiva-ийн ус цасны хамгаалалттай 4 улирлын ихэнх загваруудыг хот дотроо өөрийн тээврийн хэрэгслээр түлхүү явдаг, эсвэл идэвхтэй алхдаг хүмүүс өвлийн хэрэгцээндээ ямар ч даарах асуудалгүйгээр өмсдөг.      

Таарсан гутал нь хөлийг дулаахан байлгахад чухал үүрэгтэй. Тулгаж юм уу эсвэл багадуулж авсан гутал нь цусны эргэлтийг сааруулж, улмаар хайрч дааруулах сул талтай.

Оймсны материал бас чухал. Өвлийн нөхцөлд уулын гутлан дотор даавуун оймс БИТГИЙ өмсөөрэй. Даавуу нь шингэнийг өөртөө сайн шингээдэг боловч гадагшлуулдаггүй. Ямар ч сайн амьсгалдаг, дулаан гутал байвч гутлан дотор хөлөрсөн хөлсийг оймс нь гадагшлуулахгүй тохиолдолд хөлсний уур нь аажимдаа конденсаци буюу шингэн хэлбэрт шилжиж гадны хүйтэнтэй харшин дааруулах магадлалтай. Найрлагадаа хөлсийг гадагшлуулах онцгой чадамжтай Полиэфирийн мяндас (Polyester) болон дулаан хадгалах хонины ноос (wool) зэргийн холимог орсон оймсыг өвлийн хэрэгцээндээ сонгоорой. 

Хэрвээ та өдөр тутмын, хот хөдөөгийн энгийн хэрэгцээнд La Sportiva брэндийн 4 улирлын загвар өмсвөл халууцна. Уулын 4 улирлын гутлыг ууланд болон олон хоногийн үүргэвчтэй явган аялалд өмсөхөөр бол жилийн 4 улиралд өмсөхөд тохиромжтой. 

Бидний болон хэрэглэгчдийн туршлагаас харахад La Sportiva-ийн 4 улирлын загваруудыг намар орой, өвөл өмсөхөд хамгийн тохиромжтой байдаг. Нөхцөл байдал, агаарын хэм, даралт зэрэг нь суурин, нам дор газраас өөр байдаг тул энэ төрлийн гутлыг ууланд 4 улиралд өмсдөг. Тиймээс ч ингэж нэрлэгддэг.

Харин La Sportiva брэндийн гүйлтийн ангиллын загварууд нь хот хөдөөгийн энгийн хэрэгцээнд зун өмсөхөд нэн тохиромжтой, сэрүүхэн, хөнгөхөн, маш эвтэйхэн байдаг. Мөн 3 улирлын загваруудыг зусланд болон хөдөө гадаа зуны орой үдшийн сэрүүнд өмсөхөд тохиромжтой

La Sportiva -ийн загварууд үнэхээр гоё загварлаг байдаг болохоор гаднаас нь харахад өдөр тутам өмсөөд жаахан "гангарчихмаар" загварууд байдаг л даа. Гэхдээ хэт өндрийн үзүүлэлттэй буюу далайн түвшнээс дээш 4000м метрээс дээш авиралтад зориулагдсан гутлууд өдөр тутмын хэрэгцээнд тохиромжгүй. Яагаад тохиромжгүй вэ гэвэл...

1. Ийм төрлийн гутлуудын ул нумралтгүй байдаг. Уулын хэт өндрийн авиралт хийхэд орчин нөхцөл нь илүү бэрх, хурц хад чулуу ихтэй, гишгэх зай талбай хязгаарлагдмал байдаг. Ийм учраас хэт өндрийн уулын гуталны ул туялзаж нумрахгүй тууш шийдэлтэй буюу "хатуу" байх зайлшгүй шаардлагатай байдаг. Ингэснээрээ дөнгөж өлмийний хоншоороор гишгэгдэл авахад гутлын бүтэн улаар хавтгай гадаргууд гишгэж байгаа юм шиг уулчны биеийн жин, үүргэвч болон бусад ачааны жинг даах учиртай. Уулын огцом авиралт хийж байгаа мөртлөө "Зайсан"-гийн асфальтан шатаар өгсөж байна гэж төсөөлөөрэй. Ачааллыг бүтэн уланд жигд хуваарилснаар ядралт бага байдаг.

2. Өдөр тутамд өмсөж болох загваруудтай харьцуулахад илүү жинтэй байдаг.  Дээр дурдсан нумралтгүй шинж чанараа хадгалахын тулд хэт өндрийн гутлын улнууд ихэвчлэн өөр өөр үүрэгтэй 2-3 давхар улны хэсгээс бүтдэг бөгөөд энэ нь нийт улны жинд нөлөөлдөг.

3. Өдөр тутамд өмсөж болох загваруудтай харьцуулахад илүү үнэтэй байдаг. Өндрийн загваруудад автомат крампон (хэт өндрийн авиралтад гутланд нэмэлтээр тавьдаг хадаас) -ийн ховил, бээлий тайлахгүйгээр чангалж суллах трос үдээс гэх мэт илүү мэргэжлийн талын нэмэлт тоноглолуудтай байдаг. Тиймээс шаардлага хэрэгцээг нь гаргахгүй эдгээр нэмэлт үзүүлэлтэнд зориулж илүү мөнгө төлнө гэсэн үг. Түүний оронд та өдөр тутамд өмсөж болох 4 улирлын, 3 улирлын гутлуудаас өөрийн хэрэгцээ шаардлагад нийцэх, өнгө дизайн нь таалагдсан загвар сонгоорой. Манай худалдааны зөвлөхүүд таны сонголтонд туслахад үргэлж бэлэн шүү. Бидэнтэй "буу халаарай".           

Өдөр тутмын ажлын ачаалал, цаг агаарын байдал зэргээс хамаараад хүний хөл өглөө босоход байсан хэмжээнээсээ өдрийн турш бага багаар хөөдөг. Тиймээс хэдий ууланд өмсөхгүй ч гэсэн, ямар ч гутлыг хэзээ ч яг тулгаж авч болохгүй. Хөлийн хуруунууд гутлан дотроо бага ч болов хөдлөж байх орон зайг заавал тооцоолоорой.  Огт сул орон зайгүй тааруулж авсан гутал хурууны ясны бүтэц, хумсны ургацын хэлбэр зэрэгт сөрөг нөлөөтэй. Түүний дээрээс гутал нь хэдий сайн технологитой, амьсгалах чадвартай байсан ч хөл хөөмөгц барьж, цусны эргэлтийг удаашруулснаар хайрах, чийг татах мэт нөхцөл бүрддэг.  

Та энд дарж STB Control System шагайг хэрхэн хамгаалж болох болон бусад ач тусынх талаар олж мэдээрэй

Нэгдүгээр үндсэн ялгаа нь улны нумралт буюу хатуулаг чанар байдаг. 4 улирлын загваруудын ул нь зохих хэмжээний нумралт буюу хөлний нумралтыг дагах шинж чанартай байдаг. Ингэснээр эдгээр гутлуудыг 4 улиралд олон уулын 4000 метр (орон орны цаг агаараас хамаараад хэлбэлзэх боломжтой) хүртлэх авиралт болон өдрийн болон олон хоногийн үүргэвчтэй аялал зэрэг олон төрлийн хэрэгцээнд өмсөх боломжтой байдаг. Харин уулын өндрийн авиралт хийхэд орчин нөхцөл нь илүү бэрх, хурц хад чулуу ихтэй, гишгэх зай талбай хязгаарлагдмал байдаг. Ийм учраас өндрийн уулын гуталны ул туялзаж нумрахгүй тууш шийдэлтэй, нэмэлт олон давхаргатай, зарим хүмүүсийн нэрлэдэгээр хатуу байдаг.  Ингэснээрээ дөнгөж өлмийний хоншоороор гишгэгдэл авахад гутлын бүтэн улаар хавтгай гадаргууд гишгэж байгаа юм шиг уулчны биеийн жин, үүргэвч болон бусад ачааны жинг даах учиртай.

Хоёрдугаар үндсэн ялгаа нь гутлын давхарлагаа байдаг. 4 улирлын гутлууд ихэвчлэн нэг дан шийдэлтэй байдаг бол өндрийн гутлууд дотроо бойтог хэлбэрийн оймс, түүний гадуур үндсэн гутал, зарим тохиолдолд дахиад түүний гадуур өвдгөнд тулсан үргэлж түрий гэх мэт 2-3 давхар шийдэлтэй байдаг. Энэ нь мэдээж хэрэг уулын өндөр нэмэгдэх тусам агаарын хэм буурдагтай холбоотой юм.

Бусад ялгаануудаас дурдвал 4 улирлын загварууд илүү хөнгөн, өмсөж тайлахад хялбар, хөлд хэвшигнэх хугацаа бараг шаарддаггүй байдаг бол өндрийн загварууд нь автомат крампон (хэт өндрийн авиралтад гутланд нэмэлтээр тавьдаг хадаас) -ийн ховил, бээлий тайлахгүйгээр чангалж суллах трос үдээс гэх мэт илүү мэргэжлийн талын нэмэлт тоноглолуудтай байдаг.       

Уулын хэт өндрийн авиралт хийхэд орчин нөхцөл нь илүү бэрх, хурц хад чулуу ихтэй, гишгэх зай талбай хязгаарлагдмал байдаг. Ийм учраас хэт өндрийн уулын гуталны ул туялзаж нумрахгүй тууш шийдэлтэй буюу "хатуу" байх зайлшгүй шаардлагатай байдаг. Ингэснээрээ дөнгөж өлмийний хоншоороор гишгэгдэл авахад гутлын бүтэн улаар хавтгай гадаргууд гишгэж байгаа юм шиг уулчны биеийн жин, үүргэвч болон бусад ачааны жинг даах учиртай. Уулын огцом авиралт хийж байгаа мөртлөө "Зайсан"-гийн асфальтан шатаар өгсөж байна гэж төсөөлөөрэй. Ачааллыг бүтэн уланд жигд хуваарилснаар ядралт бага байдаг.

Энэхүү тууш байдлаа хадгалахын тулд ийм төрлийн улнууд ихэвчлэн өөр өөр үүрэгтэй 2-3 давхар улны хэсгээс бүтдэг бөгөөд энэ нь нийт улны жинд нөлөөлж энгийн гуталтай харьцуулахад илүү жинтэй байдаг.

Түүнчлэн өндрийн загваруудад автомат крампон (кошка буюу хэт өндрийн авиралтад гутланд нэмэлтээр тавьдаг хадаас) тавьж авиралт хийх шаардлага гарсан тохиолдолд гутлын ул нь нэмэлтээр тавьсан крампонтойгоо хоршиж бат бөх барьцалдах хэрэгтэй байдаг тул нумралтгүй байдаг.  

Уулын алхалт, гүйлтэнд зориулсан хирнээ шагайны доогуур татсан гутлууд байдаг. Мэдээж хэрэг ийм төрлийн гутал нь шагайг хурц ирмэгтэй чулуу, бут сөөг, хожуул гэх мэт гадны биетийн нөлөөнөөс хамгаалахгүй. Гэхдээ уулын нэлээд өндөрлөг рүүгээ л ийм орчин нөхцөлтэй байдаг бөгөөд хэрвээ та уул руу гарахдаа их өндөр рүү нь зорьдоггүй бол магадгүй түрийгүй уулын гутал танд илүү тохирох сонголт байж болох юм.

Мэдээж хэрэг түрийтэй загвартайгаа харьцуулахад түрийгүй хувилбар илүү л хөнгөн шингэн, илүү л эвтэйхэн байх нь дамжиггүй. Түүний дээрээс La Sportiva брэндийн ихэнх загварын (түрийтэй ч бай, түрийгүй ч бай) шагайны орчимд STB Control гэсэн систем суулгаж өгсөн байдаг. Энэ систем нь хазгай хальт гишгэж шагайгаа гэмтээхээс сэргийлдгээс гадна хэвийн бус "поз"-тойн улмаас буруу гишгэж хурдан ядардаг хүмүүсийг аль болох цэх зөв гишгүүлэх үүрэгтэй байдаг. Та энд дарж STB Control System-ийн талаар илүү ихийг олж мэдээрэй