Наранд борлосон арьсаа түргэн хугацаанд цайруулах шалгарсан аргууд

Наранд борлосон арьсаа түргэн хугацаанд цайруулах шалгарсан аргууд

Зуны амралтаараа аялал зугаалганд яваад халуун наранд борлож, түлэгдсэн арьсаа хурдан хугацаанд цайруулах  шалгарсан аргуудаас хуваалцъя.

Витамин C:

Наранд түлэгдэж борлосон арьсыг цайруулах хамгийн үр дүнтэй арга бол витамин C  ихээр агуулсан бүтээгдэхүүн хэрэглэх юм. Гэрийн нөхцөлд арьсаа хурдан цайруулахыг хүсвэл лимон, тараг, жүрж, алоэ зэргийг ашиглан маск бэлтгэх боломжтой.

Витамин С-гээр хамгийн баялаг жимс болох лимон хэрэглэх нь арьс цайруулах хамгийн үр дүнтэй арга юм.  Лимонд агуулагдах антиоксид нь арьсыг түргэн цайруулж, нөхөн төлжүүлэх чухал нөлөө үзүүлдэг юм.  Арьсаа цайруулахын тулд Лимоны шүүсийг усанд найруулж уух,  дангаар нь  түрхэх, эвсэл бусад бүтээгдэхүүнүүдтэй холин маск тавих хэлбэрээр хэрэглэж болдог.

Лимоны маск бэлтгэх заавар:

Нэг ширхэг нимбэгийн шүүс,  нэг ширхэг өндөгний цагаан, 10гр элсэн чихрийг /эсвэл органик зөгийн бал/, 100мл буцалсан усанд  өнгө нь цайвар болтол сайтар хольж хутгасны дараа нүүрэнд жигд түрхэнэ. Ингээд 30-40 минут байлгасны дараа усаар сайтар угааж арилгаад чийгшүүлэгч эсвэл тэжээлийн тос түрхээрэй.

Тараг түрхэх:

Өдөржин наранд явсны дараа арьс түлэгдэж, хорсох улайх шинж тэмдгүүд илэрсэн үед хольцгүй элгэн тараг түрхээд хорин минутын дараа цэвэр усаар угаана. Зарим үед тэр чигт нь унтаад өглөө нь бүлээн усаар угааж ч болдог. Энэ аргийг долоо хоног тасралтгүй хэрэглэвэл үр дүн нь мэдэгдэх болно.  Тарганд агуулагдах витамин C  нь арьсыг цайруулж, нөхөн төлжүүлдэг.

Тараг Лимонтой маск бэлтгэх арга:

Гурван хоолны халбага өтгөн органик тараг,  нэг хоолны халбага органик зөгийн бал, буюу тал нимбэгийн шүүсийг шахаж сайтар холиод нүүрний арьсанд жигд түрхээд 30-40 минут болсны дараа угааж цэвэрлэнэ.

Ус сайн уух:

Наранд удаан явсны дараа хүний бие маш их шингэнээ хөлс болгон гадагшлуулснаар шингэний дутагдалд ордог энэ нь арьс харлах бас нэгэн шалтгаан болдог. Тиймд биеийн шингэнээ тэнцвэржүүлэх үүднээс шингэн зүйлсийг уух хэрэгтэй. Наранд удаан явах бол их хэмжээний цэвэр усны нөөцтэй явахыг зөвлөж байна.  Уснаас өөр шингэн зүйл буюу хийжүүлсэн ундаа, кофе зэрэг элсэн чихэр ихээр агуулан уух зүйлс арьсны эрүүл байдал, нөхөн төлжих үйл ажиллагааг удаашруулдаг байна.  Тиймд дээр дурдсан л лимонтой ус ч арьсанд сайнаар нөлөөлөх юм.

Сайн унтаж амрах:

Арьсаа цайруулахаар хичнээн үнэтэй тос, бүтээгдэхүүн хэрэглэсэн ч үр дүнд хүрэхгүй байвал арьс огт амарч чадахгүй буйн илрэл юм. Оройтож унтах, өглөө эрт сэрэх, байнга нойрмог байж нойр дутуу явснаас арьс амархан гэмтэж борлож харлаж, гундах эх болдог юм. Түүнчлэн тамхи татах, согтууруулах ундаа хэрэглэх нь хүний дотор эрхтэн төдийгүй арьсны эрүүл мэндийг байнга муутгаж харлах, батгаших өвчлөлийн эх болдог.

Блогууд руу буцах

Сэтгэгдэл үлдээх